ԳՕՍՏ ԻՍՕ/ԻԷԿ 17025 ստանդարտի, EA և ILAC համապատասխան փաստաթղթերի պահանջների վերաբերյալ դասընթաց
16/09/2026
Սույն թվականի սեպտեմբերի 8–ից 10-ը ՀՀ էկոնոմիկայի նախարարության «Հավատարմագրման ազգային մարմին» ՊՈԱԿ-ի (ԱՐՄՆԱԲ) նախաձեռնությամբ անցկացվել է եռօրյա դասընթաց՝ «ԳՕՍՏ ԻՍՕ/ԻԷԿ 17025» ստանդարտի, ինչպես նաև EA և ILAC համապատասխան փաստաթղթերի պահանջների վերաբերյալ։
Դասընթացը նախատեսված էր ԱՐՄՆԱԲ-ի տեխնիկական գնահատողների և տեխնիկական փորձագետների համար՝ վերջիններիս մասնագիտական գիտելիքներն ամրապնդելու նպատակով։ Մասնակիցները գիտելիքներ են ձեռք բերել լաբորատոր փորձարկումների որակի ապահովման վերաբերյալ, քննարկել մասնագիտական խնդիրներ և զարգացրել իրենց հմտությունները ինչպես փորձարկումների իրականացման, այնպես էլ համապատասխանության գնահատման գործընթացում։
Հատուկ ուշադրություն է դարձվել չափման անորոշության գնահատմանը՝ համաձայն GUM ուղեցույցի, ինչն անհրաժեշտ է արդյունքների հավաստիության, համապատասխանության վերաբերյալ որոշումների կայացման, միջտրամաչափարկման ինտերվալների հաշվարկման և չափման միջոցների չափագիտական հետևելիության ապահովման համար։
