Հ Ա Յ Տ Ա Ր Ա Ր Ո Ւ Թ Յ Ո Ւ Ն

ՀԱՎԱՏԱՐՄԱԳՐՄԱՆ ԲԱԺՆԻ ԱՌԱՋԻՆ ԿԱՐԳԻ ՄԱՍՆԱԳԵՏ

 Նշված թափուր պաշտոնը զբաղեցնելու համար պահանջվում է՝

1)           բարձրագույն կրթություն (բնական գիտությունների, մաթեմատիկայի, տնտեսագիտական, տեխնիկական կամ տեխնոլոգիական գիտությունների բնագավառում) ունեցող անձ, ով ունի փորձարկման կամ տրամաչափարկման լաբորատորիայում կամ արտադրանքի սերտիֆիկացման մարմնում կամ հսկողություն իրականացնող մարմնում առնվազն մեկ տարվա աշխատանքային փորձ,

2)           հավատարմագրման ոլորտը կանոնակարգող Հայաստանի Հանրապետության օրենսդրության և իր լիազորությունների հետ կապված այլ իրավական ակտերի իմացություն.

3)           Հավատարմագրման ոլորտին առնչվող միջազգային ստանդարտների, տարածաշրջանային ու միջազգային հավատարմագրման կազմակերպությունների փաստաթղթերով սահմանված պահանջների իմացություն.

4)           համակարգչով (Windows, Word, Excel, Access և այլ ծրագրեր) և ժամանակակից այլ տեխնիկական միջոցներով աշխատելու ունակություն ինչպես նաև տարբեր տեղեկատվական շտեմարանների համակարգչային ծրագրերի շահագործման համար պահանջվող գիտելիքներ.

5)           հայերենի, ռուսերենի, անգլերենի իմացություն:

Աշխատավարձի չափը՝ 420 000 ՀՀ դրամ:

Լրացուցիչ տեղեկություններ ստանալու համար դիմել «Հավատարմագրման ազգային մարմին» ՊՈԱԿ (ք.Երևան, Մհեր Մկրտչյան 5, Բ մասնաշենք, 8-րդ հարկ, հեռ. (011) 20-33-81):

Դիմող ՀՀ քաղաքացիները «Հավատարմագրման ազգային մարմին» ՊՈԱԿ պետք է ներկայացնեն հետևյալ փաստաթղթերը`

- գրավոր դիմում (կից ձևաչափով),

- անձնագրի պատճենը,

- կրթությունը հավաստող պետական նմուշի փաստաթղթի (փաստաթղթերի) պատճենը (պատճենները),

- աշխատանքային գրքույկի պատճենը և/կամ աշխատանքային փորձը հաստատող այլ փաստաթղթերի պատճենները,

- արական սեռի անձինք նաև զինվորական գրքույկի կամ դրան փոխարինող ժամանակավոր զորակոչային տեղամասին կցագրման վկայականի պատճենը՝ բնօրինակի հետ միասին, կամ համապատասխան տեղեկանք,

- մեկ լուսանկար՝ 3x4 սմ չափով:

Փաստաթղթերն ընդունվում են ամեն օր` անձամբ կամ էլեկտրոնային հասցեով armnab@armnab.am՝ ժամը 09:00-ից մինչև 18:00-ը:

Դիմումների ընդունման ժամկետն է` 06.10.2025թ. մինչև 24.10.2025թ. ներառյալ: